Árið 1986 fyrir réttum 30 árum síðan sendi Eyjólfur Kristjánsson frá sér lagið „Ég lifi í draumi“, sem sló eftirminnanlega í gegn það haustið í flutningi Björgvins Halldórssonar og kom Eyfa á kortið sem laga- og textahöfundur. Í tilefni þess mun Eyjólfur halda nokkra tónleika, þar sem hann flytur lög frá yfir 30 ára ferli sem söngvari, gítarleikari, laga- og textahöfundur. Fyrstu tónleikarnir verða á Græna Hattinum Akureyri laugardaginn 17. september og fleiri munu fylgja í kjölfarið.
↧