Með blik í auga 6 - Tónleikar

Sveitasöngvar eru viðfangsefni hátíðartónleika Ljósanætur í Reykjanesbæ þetta árið. Tónleikarnir eru betur þekktir sem ,,Með blik í auga" og hafa öðlast fastan sess í dagskrá Ljósanætur.

Sveitatónlist verður í forgrunni að þessu sinni undir yfirskriftinni: Hvernig ertu í Kántrýinu? og fara söngvararnir Björgvin Halldórsson, Stefanía Svavarsdóttir, Jóhanna Guðrún og Eyjólfur Kristjánsson fyrir stórhljómsveit undir stjórn Arnórs Vilbergssonar.

Ljóst er að það verður tekið á því þegar helstu smellir kántrýsins verða fluttir, gamlir og nýjir, í bland við góðar sögur og skemmtilegheit.

Frumsýning er miðvikudaginn 31. ágúst og tvær sýningar verða sunnudaginn 4. september.

Sýningar fara fram í Andrews leikhúsinu á Ásbrú.