Það er orðið ansi langt síðan hljómsveitin ADHD spilaði á Íslandi. Næstum því/rétt rúmlega? tvö ár. Eftir mikið og stíft tónleikahald erlendis undarfarin ár fannst þeim félögum það alger fásinna að vera alltaf að spila í útlöndum en aldrei heima hjá sér. Þess vegna var ákveðið að skella í eitt stykki tónleika í Gamla Bíó föstudagskvöldið 27. maí 2016.
Á efnisskránni verða glæný lög sem þeir félagar hljóðrituðu snemma á þessu ári, í bland við eldra efni af áður útkomnum plötum þeirra félaga.
Eins og áður sagði: ADHD í Gamla Bíó föstudagskvöldið 27. maí. Miðaverð er 3500 krónur. Húsið opnar klukkan 20:00. Tónleikar hefjast klukkan 21:00 og standa yfir í rétt rúma tvo tíma með hléi.