PÁSKAHÁLFVITAR
Aftur og nýbúnir stefna Ljótu hálfvitarnir á Græna hattinn – og nú vonandi allir upprisnir, enda páskar og svona. Þeir fundu glögglega í síðasta túr að eftirspurn var eftir fleiri tónleikum, en örlögin höguðu sér þannig að því varð ekki við komið. Þeir ætla því að bæta snarlega úr því, krossleggja fingur, hefja samanneglda og gifsaða handleggina til himins og heita á þau máttarvöld sem stýra náttúruöflunum, gámahífingum, mannfjölgun og líkamsstarfsemi.
Fyrri tónleikarnir verða hið langa föstudagskvöld 25. mars og þeir seinni hið ofurnormal laugardagskvöld 26. mars og hefjast bæði kvöld kl. 22.00. Miðaverð er 3.900 kr.
Vinsamlegast athugið
18 ára aldurstakmark er á viðburðinn.