Kristinn Sigmundsson og Björn Thoroddsen endurtaka tónleika sína frá í fyrra þar sem þeir fluttu lög eftir Jón Múla, Sigfús Halldórsson og Oddgeir Kristjánsson.
Færri komust að en vildu á ferna tónleika þeirra félaga í fyrra og gefst nú þeim sem af misstu tækifæri til að upplífa þessa einstöku tónleika.
Á tónleikunum er íslenskum jazz- og dægurlögum gerð góð skil í flutningi frábærra tónlistarmanna en auk þeirra er söngkonan Sigrún Hjálmtýsdóttir og bassaleikarinn Gunnar Hrafnsson með þeim á sviðinu. Lögum á borð við Ég veit þú kemur, Litla flugan, Fröken Reykjavík, Vegir liggja í allar áttir og Úti er alltaf að snjóa er skilað á líflegan og einstakan máta ásamt fleiri lögum eftir Jón Múla, Sigfús Halldórsson og Oddgeir Kristjánsson.
Sökum anna hjá tónlistarmönnunum verður aðeins boðið upp á þessa einu tónleika.