Vegna fjölda áskorana frá ungu kynslóðinni hefur Jón Jónsson ákveðið að blása til tónleika án aldurstakmarks föstudagskvöldið 18. desember klukkan 18:00 en uppselt er á tónleikana klukkan 22:00.
Allt of langur tími er liðinn frá því að Jón Jónsson og félagar tróðu upp á Græna hattinum svo spennan innan hópsins verður í algleymingi. Óma munu lög sem allir ættu að geta sungið með í bland við lög sem þítt geta kaldan klaka.
Fyrir um ári sendi Jón frá sér plötuna Heim og hafa síðan lög á borð við Gefðu allt sem þú átt, Endurgjaldslaust, Ykkar koma og Heltekur minn hug fengið að óma á öldum ljósvakans. Öll verða þau leikin ásamt vel völdum lögum úr smiðju Johnny Jay!
Er það einlæg von Jóns að unga fólkið fjölmenni og svo eru auðvitað mamma, pabbi, amma, afi, frænka, frændi og já bara allir aðrir velkomnir.
Þó tónleikarnir beri ekki yfirskriftina jólatónleikar er nokkuð ljóst að kærleikurinn verður í hávegum hafður enda stutt í hátíð ljóss og friðar þegar JJ stígur á svið.
Allt of langur tími er liðinn frá því að Jón Jónsson og félagar tróðu upp á Græna hattinum svo spennan innan hópsins verður í algleymingi. Óma munu lög sem allir ættu að geta sungið með í bland við lög sem þítt geta kaldan klaka.
Fyrir um ári sendi Jón frá sér plötuna Heim og hafa síðan lög á borð við Gefðu allt sem þú átt, Endurgjaldslaust, Ykkar koma og Heltekur minn hug fengið að óma á öldum ljósvakans. Öll verða þau leikin ásamt vel völdum lögum úr smiðju Johnny Jay!
Er það einlæg von Jóns að unga fólkið fjölmenni og svo eru auðvitað mamma, pabbi, amma, afi, frænka, frændi og já bara allir aðrir velkomnir.
Þó tónleikarnir beri ekki yfirskriftina jólatónleikar er nokkuð ljóst að kærleikurinn verður í hávegum hafður enda stutt í hátíð ljóss og friðar þegar JJ stígur á svið.
Vinsamlegast athugið
Ekkert aldurstakmark er á viðburðinn.
