Sumarið er tíminn þegar kvenfólk springur út segir einhvers staðar en það er líka tíminn sem karlmenn spila fótbolta. Og reyndar ekki bara stórir og loðnir karlmenn heldur líka litlir karlmenn eða svokallaðir pollar.
Á Akureyri er heil helgi í byrjun júlí lögð undir mót þar sem þessir pollar halda sérstakt mót til að spila téðann fótbolta og það er einmitt um þessa helgi sem Ljótu hálfvitar ætla að mæta í bæinn og leggja undir sig Græna hattinn. Og þá dugar auðvitað ekkert minna en heil 3 kvöld, fimmtudaginn 2., föstudaginn 3. og laugardaginn 4. júlí. Það sem það verður tjúttað...