Jón Sigurðsson, eða Jón í bankanum eins og hann var oft kallaður á heiðurinn af nokkrum helstu dægurperlum Íslands. Hann hefði orðið níræður á þessu ári hefði hann lifað og ætlunin er að heiðra minningu hans í kvöld.
Hver man ekki eftir Einsa kalda úr eyjunum, Ég er kominn heim, Komdu í kvöld, Úti í Hamborg og fleiri sígildum dægurperlum sem glatt hafa landsmenn alla í gegnum tíðina. Þór Breiðfjörð, Jögvan Hansen, Hera Björk, Gunni og Felix, Hjördís Geirsdóttir ásamt fleiri gestum munu sjá um sönginn en hljómsveitarstjórn er í höndum Pálma Sigurhjartarsonar.
Upplagt tækifæri fyrir börnin, mömmu og pabba að fá afa og ömmu með á notalega kvöldstund og syngja saman.
Tryggið ykkur miða í tíma.