‘Verkefni í vinnslu’ sem tengist ævintýrinu um ‘Lísu í Undralandi’, en tónskáldið John A. Speight og rithöfundurinn Böðvar Guðmundsson hafa nú lokið við að semja nýja óperu sem nefnist “Furðuveröld Lísu-Ævintýraópera”.
Í samvinnu við Listahátíð í Reykjavík, Myndlistaskólann í Reykjavík og Landakotsskóla, gengur hugmyndin út á það að skapa einskonar verkefnasmiðju þar sem ungir nemendur vinna með eigið ímyndunarafl og sköpunarkraft í tengslum við persónur sögunnar og texta Böðvars. Hér er um ‘verk í vinnslu’ að ræða þar sem nemendur þróa ‘gjörningasýningu’ og listsmiðju inni í Listasafni og höggmyndagarði Einars Jónssonar. Tónskáldið John A. Speight hefur samið sérstaklega nýjan söng fyrir kór nemenda, en auk þess hljóma tóndæmi úr hinni nýju óperu í flutningi Þóru Einarsdóttur, Sverris Guðjónssonar og Kristjönu Stefánsdóttur.
Tónskáld: John A. Speight
Libretto: Böðvar Guðmundsson
Flytjendur: Þóra Einarsdóttir – Lísa, Sverrir Guðjónsson – Matti hattari, Kristjana Stefánsdóttir – Kötturinn brosandi
Píanó: Daði Sverrisson
Vinur Listahátíðar fá 25 % afslátt af viðburði þessum.