Stórsveit Reykjavíkur spilar Thad Jones
Flutt verður heil efnisskrá verka eftir tónskáldið, útsetjarann og trompetleikarann Thad Jones, en hann er í hópi merkustu og áhrifamestu höfunda stórsveitatónlistar. Thad Jones kom fram á sjónarsviðið með stórsveit Count Basie (1954-63) en þekktastur er hann fyrir að hafa leitt stórsveit ásamt trommuleikaranum Mel Lewis á klúbbinum The Village Vanguard í New York (1965-77). Næstu árum eyddi Jones í Evrópu, þar sem hann stýrði meðal annars Stórsveit Danska Ríkisútvarpsins um nokkurra ára skeið. Loks flutti hann aftur til Bandaríkjanna 1985 og tók við stórsveit Count Basie að honum látnum. Thad Jones lést árið 1986.
Stórsveit Reykjavíkur hefur nokkrum sinnum áður helgað efnisskrár Thad Jones, síðast fyrir fimm árum, árið 2010. Í þetta sinn verða að mestu leyti flutt verk eftir Jones sem sveitin hefur ekki flutt áður. Tónleikarnir fara fram í klúbbstemmningu á Björtuloftum þar sem gestir sitja við borð, geta keypt veitingar o.s.frv. Stjórnandi á þessum tónleikum verður Sigurður Flosason. Miðar fást í einnig við innganginn.