KEX Hostel heldur hina árlegu íslensku bjórhátíð í fjórða sinn dagana 26. febrúar til 1. mars. Hátíðin er haldin í tilefni af 26 ára afmælisdegi íslenska bjórsins, en þann 1. mars árið 1989 var almenn sala á bjór leyfð eftir 74 ára sölubann.
KEX Hostel hefur boðið íslenskum og erlendum bruggurum í heimsókn til að kynna sig og sína framleiðslu dagana sem hátíðin fer fram.
Öll helstu brugghús landsins taka þátt í hátíðarhöldunum og munu bruggarar frá Borg, Ölgerðinni, Einstök, Vífilfelli, Steðja, Ölvisholti og Kalda kynna starfsemi sína á KEX Hostel. Erlendu bruggarnir koma frá örbrugghúsum í Danmörku (To Øl, Mikkeller) og Bandaríkjunum (Hopworks Urban Brewery, Founders Brewing Company, Evil Twin Brewing og Two Roads Brewing) og sérhæfa sig í framleiðslu á hágæða bjór af ýmsum toga.
Íslensku brugghúsin sem taka þátt í hátíðinni:
Vífilfell – Einstök
Ölgerðin Egill Skallagrímsson – Borg
Ölvisholt
Kaldi
Alþjóðlegu brugghúsin sem taka þátt í hátíðinni í ár:
Breakside
Mikkeller
To Øl
Hopworks Urban Brewery
Two Roads Brewing
Founders Brewing Company
Evin Twin Brewing