Hinir ástsælu söngvarar Páll Rósinkranz og Margrét Eir taka nú höndum saman og halda í tónleikaferð í tilefni af dúetta plötunni sinni "If I needed you"
Diskurinn inniheldur þrettán dúetta þar sem kafað er djúpt í rætur amerískrar þjóðlagahefðar.
Lögin hafa flest náð miklum vinsældum á veraldarvísu á ólíkum tímum. Sagnahefðin er rík í þessari tegund tónlistar og því áskorun góðu söngfólki þar sem ekki nægir að syngja textann vel heldur segja söguna svo áheyrandinn hrífist með.
Bæði eiga þau að baki langan og farsælan feril í íslensku tónlistarlífi og hafa gefið frá sér ótal plötur, jafnt sem sólóistar og í samstarfi við helstu tónlistarmenn landsins. Margrét Eir og Páll hafa unnið saman í gegnum árin en samstarf þeirra þykir blómstra á plötunni sem ber titilinn If I needed you.
Með þeim í ferðinni er hljómsveitin Thin Jim, það eru þeir Jökull Jörgensen, Andrés Þór Gunnlaugsson, Kjartan Guðnason og Davíð Sigurgeirsson